咁啱上海姑爺旗下瑞房(272)噚日下晝召開記者會,為中國新天地引入新股東,被問到點解冇去捧老婆場,佢就笑笑口話「係呀,佢(朱玲玲)好忙,我呢排搞呢單嘢(引入新股東)又好忙,我哋兩個都好忙。」咁𠵱家落實單刁,會唔會抽時間去捧場唧?「梗係會啦,唔通想死咩!」,佢講嘅時候仲好似滿口蜜糖咁,甜到漏。
其實上海姑爺同朱玲玲周不時無意間晒恩愛。朱玲玲早排接受訪問就投訴老公,話佢哋去非洲旅行時,上海姑爺冇耐性陪佢影獅子,話隻隻獅子都一樣,不停催佢走,後來索性匿埋喺酒店睇文件。你話下我,我又話下你,呢啲咪係情趣囉。
李華華
mailto:
[email protected]