35歲日本混血模特兒森泉早前宣佈奉子成婚，為40多歲圈外人首度懷孕，預產期係今年夏天。

森泉丈夫被爆原來係個年約45歲嘅富貴僧侶，而且仲係繼承當地寺廟嘅一名型男和尚，家中另經營寵物墓園、外國車買賣、房屋租賃及停車場等事業，估計佢每年收入可達數億日圓，加上發現其寺廟私人停車場停放法拉利、BMW及保時捷等名車，真係比山下智久在人氣劇《朝5晚9》中嘅角色更加浮誇！

據報道指，森泉老公前妻係電視台女主播望月理惠，三年前才離婚，由於森泉出名喜歡動物，因飼養寵物死去才與呢名和尚結下情緣。雜誌又拍得其夫照片，光頭嘅森泉老公穿和式工作服配牛仔褲及靴，鄰居形容佢不時笑臉迎人，為人十分有禮貌。

精選娛聞，喺晒《娛果》
http://fb.com/appledailyent