【燒傷後首開腔】諗起有老人家燒傷好心痛 楊盼盼:演員唔好咁儍聽導演講
火傷大地回春楊盼盼
60歲武打女星楊盼盼上月中在大馬拍電影《大地回春》一場火災戲發生意外,導致臉部二度燒傷,手腳同樣受傷(新聞連結: http://bit.ly/2NO4s64 );入院半個月嘅盼盼姐首開腔接受大馬傳媒訪問,坦言入院第三日,諗起被火燒情況時,仍然有激動落淚,尤其睇到有老人家被燒傷倒在地上,令佢心痛不已!
經過連日治療,盼盼姐嘅傷勢逐漸康復,日內就可以出院,佢表示一切很好,笑言本來係拍喜劇賀歲片,估唔到變咗災難片,更向監製林德榮「索償」,因為佢為咗拍呢部戲,推咗郵輪騷演出,笑言要監製賠償損失。盼盼姐坦言沒怪任何人,只怪自己太相信劇組,所以疏忽咗呢場戲嘅危險性,令自己冇咗警惕心,沒有在拍攝前,憑自己豐富經驗了解狀況。盼盼姐給大馬劇組建議,認為拍呢類大場面應該安排專業特技人員負責。
今次意外係對大家一個考驗,令劇組感情突飛猛進,盼盼姐忠告:「希望大家唔好怕,就當係警惕,唔好變成一個包袱,多啲去了解同學習,新人應該要更專注每個部份嘅執行性,演員亦都唔好咁儍聽導演講:『等多一下,拍完才走!』」今次意外,盼盼姐感受到大馬人嘅善良同感性,因為佢睇到大家不顧危險撲前救人:「大馬人嘅使命感很強,外面嘅人很專業卻很冷血,執行性強,計算得好清楚。」
精選娛聞,喺晒《娛果》
http://fb.com/appledailyent