傅又宣與老公再開食店心力交瘁 聘請被炒員工被讚有情有義
蘋果日報 2020/12/27 23:27
傅佩嘉
（IG圖片）
歌手傅又宣（原名：傅珮嘉）與台籍老公Steven經營飲食業搞得有聲有色，不過早前她卻在社交網站中表示要跟自己有份創立的「三星台菜食堂」割席，原因是她沒辦法接受不公允及不受尊重的對待。直至最近，傅又宣與老公在香港開舖，繼續選擇開台灣菜式餐廳的她，請回早前一眾被炒的伙記，更坦言若再不成功的話，便會跟老公返台灣。
傅又宣對於今次與老公再開餐廳搞台式飲食，並聘請舊店一班被炒伙記，有人讚他們有情有義，她今日回覆《蘋果》：「唔好咁講，呢個時候，越艱難越應互相幫助。我哋其實今年就可以返台灣定居，嗰邊咩都有，小朋友又安全，但係老公話，可以嘅話一定要開番一間餐廳請番晒被炒嘅人。」所以他們決定再度返港。
她今日在IG出文指自己其實很討厭開店：「但我又不可以不做，這是責任，我可以討厭或不爽，但我還是要好好做下去，因為這是人生。」之後又再出post發洩，指自己這麼多年都顧及別人的情緒，卻沒有人會顧自己的情緒，她說：「我好怕開舖，真係心力交瘁，但我覺得我嫁咗俾一個有情義嘅人，我應該support佢一切意願，而且我仲覺得我哋好幸運，可以請番晒之前全個廚房嘅人，合拍嘅同事唔易搵，要珍惜。」不過Maggie 坦言有點內疚：「唯一係對唔住個仔，佢比較孤獨，雖然佢好明白，但我依然好guilty。」
傅珮嘉與台籍老公再在港開食店，並聘請之前被炒員工。（IG圖片）
傅又宣今日凌晨在IG出post抱怨沒人理她感受。（IG圖片）
----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！