當年今日

回頭浪子難搵工生活陷困

蘋果日報 2003/05/17 08:00


「𠵱家我全副身家得番幾蚊,買米都冇錢,業主又成日催我交租,都唔知點算。」阿雄歎着氣說。
二十八歲的阿雄,在許多人眼中或許並非一個有為青年,他年少的時候曾經誤入歧途,更因犯事嘗過五年鐵窗滋味,但自從兩年前出獄後,阿雄已決心痛改前非,重新做人。「以前細個唔識諗,傷害過好多人,但受過咁大嘅教訓,我真係知錯,出嚟之後,我再冇聯絡以前嗰班朋友,我唔會再行番以前條舊路。」
阿雄出獄後,由於家人已遷離舊址,彼此失去了聯絡,他只好獨自租住一間板間房,閒時以寫信及畫畫來打發時間。「𠵱家我冇晒屋企人、冇晒朋友,好彩重有幾個筆友,平日有乜開心唔開心,我都會寫信畀佢哋;另外,我都好鍾意畫卡通,好想喺呢方面發展,可惜啲老闆嫌我學歷低,唔肯畀機會我。」

基金撥款度困境
阿雄自中一輟學後,曾當過跟車、倉務、冷氣及水電維修學徒,奈何這兩年來,卻一直找不到工作,目前只能靠綜援金生活。「我已經好努力咁參加『自力更生計劃』,車錢都花唔少,但每次見工都冇回音,都唔知重要等幾耐先有工開。」
可惜屋漏兼逢連夜雨,經濟原本已十分緊絀的阿雄,日前更遺失了錢包,現在連唯一的開飯錢也沒有了,更無力繳付本月的租金。「我已經連買麵包嘅錢都冇,又冇錢交租,唔通我今次真係冇路行。」
記者了解過阿雄立心改過,遂向蘋果日報慈善基金申請撥款二千五百元,助他購買基本的糧食及清還欠租,跨度逆境。
捐款編號:C0942

暖流熱線
電話:29908688
傳真:23702192
電郵:[email protected]
網址: http://www.charity.atnext.com