想知自己有幾毒?曾經網上有一個孤「毒」指數，話一個人去BBQ、食韓燒或者打邊爐，已經係「毒L」嘅第8級，好多人都覺得難以相信，邊有人會一個人去食!?

坤哥吳業坤今日挑戰勇者塔，喺Ig貼出一個人打邊爐嘅相，留言：「通告突然取消!唔係唔約班朋友食餐好呀話?有人唔望鏡頭囉!」一個人食半隻椰子雞，最偽毒之處係佢畫咗三個女公仔，唔少網民就問「全部都係女呀!睇你好dry喎」、「一拖三!其實毒L一個更開心」。

咁之前同坤哥傳出不和嘅胡鴻鈞，再扮唔friend，回覆：「永遠唔會約我!」搞到王子涵忍唔住問：「你係咪想上嚟深圳搵佢?」

睇番坤哥嘅近照，佢個髮線又再移高，早前都講過需要植髮，又話因為感覺到頭髮薄弱咗，可能要補吓個腎。