2017年快過去，還有3天就到2018年，當大家好開心準備緊迎接新一年來臨的時候，賭王千金何超蓮今日突然於ig貼咗一張相，相中只有兩隻手，估計其中一隻是超蓮，另一隻手應該是其患病的舅母，她留言：「I miss you so so so much」。而《蘋果》以WhatsApp聯絡超蓮，她簡單回覆：「Sorry I’m not ready to talk about it！」

超蓮曾透露她與舅母感情要好，最近舅母患病入院，超蓮也不時於社交網留言替她祈禱，之前她出席活動時，曾透露舅母的病情：「舅母一路喺我屋企住，同我哋好深厚感情，一直都好健康，突然間入咗醫院，有隻病菌，搞到佢瞓喺床到又食唔得嘢，又冇胃口，醫生話佢肺積水，所以好擔心。」(新聞連結： http://bit.ly/2pKaWb9 )

至上周五(22日)，超蓮出席青年講座時，她亦表明因為舅母病情未穩定，所以將不會離開香港過聖誕( 新聞連結： http://bit.ly/2zEGQ8N )，今日超蓮貼出這張相，未知她的舅母病情是否有變化，身為超蓮好友的周柏豪及薛凱琪，見到超蓮的相，都紛紛留言叫她「Take care」！