德國被稱為「綠色地獄」的紐堡靈Nürburgring賽道，基本上所有超跑名車都要到此一跑，可說是各車廠的戰場、英雄地。就算賽道有時段開放給公眾又會有「Taxi」可以坐一轉，但遠於香港的車迷始終未必有機會落場。不過，現在機會來了，因為這賽道推出主題大富翁，唔只自己可以落場，仲可以一大班朋友齊齊落場共玩！

大富翁Monopoly一直有和不少單位合作，包括電影、電視劇甚至係遊戲，而今次主題就是德國紐堡靈賽道！其實紐堡靈之前都出過一次大富翁，不過近年已經停產，要買都唔容易，現在有新版就方便得多，叫價44.95歐元都可接受。不過要留意，暫時只見在賽道網上商店有售，但在德國製造的這套大富翁暫時不送香港，唔知香港有沒有代購代到咁偏去到德國？

作為車迷，對紐堡靈賽道應該不會陌生，出名高難度而且有高低差，所以各車廠都樂意找車手駕駛新車落場跑時間，以證明新車的性能及操控。而賽道亦有大量不同紀錄等待打破，每個界別亦分得仔細，有量產有前驅有後驅，又分不同車型，再分電油、油電、電動......

這套大富翁基本玩法與一般大富翁無異，都係擲骰仔行棋仔，不過傳統版本買的街道編號或房屋，就變成賽道中的知名彎角，實際全長12.9mile的北賽道Nordschleife中，共有154個彎角，而大富翁中，Karussell、Brünnchen、Bergwerk、Galgenkopf等彎角都有現身。至於那些棋仔，則變成冠軍獎盃、賽車、起步槍、賽車頭盔等等，而且一樣有坐監等元素，而「命運」同「機會」就變成維修站、通訊員圖案。

撰文：Michael

-----------------------------
移居成功個案分享 簽證置業租屋攻略
《移居日本手冊》逃走他鄉
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇