唔經唔覺加入咗娛樂圈14年嘅房祖名已經36歲喇，噚日就係祖名嘅正日生日，喺祖名IG嘅合照見到佢約埋成班朋友包括謝霆鋒、陳柏霖、蕭敬騰等一齊食日本料理慶祝。

喺祖名嘅IG見到，最近一心鑽研廚藝嘅霆鋒，一見到廚師煮嘢食就即刻趴到埋一埋細心觀察，連祖名都笑霆鋒，喺IG話：「十二道鋒味之壽司師傅我不給你壓力，你慢慢弄，我只是牢牢的盯著你。」

祖名因為14年喺北京吸食大麻被捕，令佢喺幕前嘅事業受到重創，從此就好少出席公開場合，但其實佢一路都冇放棄喺娛樂圈工作，今年初曾透露佢首次執導嘅電影已經煞科，據了解新戲會由謝霆鋒及陳柏霖主演，而爸爸成龍亦會客串。

精選娛聞，喺晒《娛果》
http://fb.com/appledailyent