美國女歌手Britney Spears曾經癲盡一時，不過幾年前佢總算喺樂壇成功翻身，唔止進駐賭城拉斯維加斯嘅賭場開個人演唱會，上月舉行嘅People's Choice Awards更捧走最喜愛女歌手大獎。

目前，35歲嘅Britney於賭城The AXIS繼續開騷，但喺當地時間本周三晚上嘅演出，佢穿着性感歌衫又唱又跳，點知當一輪勁歌熱舞期間，Britney忘我一揈，竟揈出胸前一點，其左邊乳暈清楚可見，台下觀眾立即睇到目瞪口呆，更有人拿起手機拍下Britney走光一刻，令佢又一次於台上大出洋相。