盧凱彤（Ellen）今月初於跑馬地寓所墮樓身亡（新聞連結： http://bit.ly/2BwLifU ），ViuTV今晚播出Ellen生前與15歲愛貓「蘇菲」錄影節目《晚吹-喵喵喵》。

節目中談到Ellen本來想帶家中四隻愛貓一同移民到台灣，但最後決定留港，Ellen說：「當時諗住四隻都移民去台灣，搵咗中介，做晒手續，打晒針、登計晒，再驗埋血，先可以入境，入咗仲要有七日嘅隔離時間，但蘇菲打咗兩次針都冇抗體，因為蘇菲年紀大，所以就由佢啦，加上蘇菲一定要喺夏天坐飛機，因為佢係扁鼻貓，氣管本身唔係太好。佢身體都好好，我都覺得好幸運，可以養到十五歲，好多朋友養貓養到呢個年紀，都會突然離開咗，所以我都有做定心理準備。」

於節目尾聲，主持人問到Ellen有何說話想對蘇菲說，Ellen：「我真係多得你唔少啊！」但後來Ellen再說：「多謝我啲貓，成為咗我生活入面嘅一份子，甚至比我另一半更了解我。」Ellen最後更支持領養：「唔會買小動物，一定會領養，因為太多小動物需要幫助，係自己可以做到好有意義嘅事，可以救返一條生命。」

Ellen又談到貓貓們很喜歡她的另一半、太太余靜萍：「佢哋鍾意我太太多我過，太太好鍾意幫啲貓配音，好鍾意幫佢哋講嘢，又同佢哋講嘢，成日係咁同佢哋講嘢，仲多過同我講，佢仲叫我配，不過我真係唔識。」

精選娛聞，喺晒《娛果》
http://fb.com/appledailyent