【王力宏娶人妻？】李靚蕾被爆二月訂婚 未婚夫係香港執業律師
蘋果日報 2013/12/18 06:00
台灣結婚律師王力宏訂婚壹週刊李靚蕾2月DarwinHuang
左圖就係李靚蕾嘅前男友DarwinHuang，原來佢係香港執業律師。- 李靚蕾細個雙唇好厚，仲有日本名，叫「西村美智子」。
- 10年前李靚蕾嘅辣妹照(台灣蘋果日報圖片)
- 被爆出同王力宏一齊的清純照
- 後來又流出疑似係李靚蕾同李雲迪現任女友田霏嘅相.....點解佢哋會識嘅?
- 全家福，亮點唔止係有網民質疑呢張係PS圖，而係李靚蕾抱住嘅狗仔，被指係同前男友共養。
37歲嘅王力宏同細佢10年嘅李靚蕾閃婚，引發網民人肉搜尋李靚蕾，結果爆出李靚蕾2月先至同前男友訂婚，夠晒曲折離奇。
未婚妻竟成別人的老婆，有傳李靚蕾前男友得悉「婚訊」後，激動得當場大哭。及後李靚蕾更被傳媒同網民起底，搵到佢十年前係辣妹一名，當時仲已經係王力宏粉絲，仲被爆濃妝去蒲嘅相添。傳聞越來越多，背後故事似乎更吸引。
王力宏一新婚，大家就送咁大份「厚禮」俾佢，難免嬲爆，遂透過經理人講到明謂:「對於網路上或媒體有相關不實的傳言，已影響到我與家人的生活，如再有不實傳言未經求證而報導，經紀公司必定尋求法律途徑處理。」
話雖如此，傳聞還是陸續有來。今日台灣《壹週刊》就報道指，李靚蕾嘅前男友DarwinHuang原來係香港執業律師，如今舊愛已成人妻，但佢仍難捨舊情，遲遲未能放下，亦唔捨得刪除兩人於社交網上嘅親密照。不過未知Darwin係太傷心定係費事煩，仲連fb都刪埋。
報道更指，Darwin嘅朋友得悉原來自己個「未來阿嫂」，竟然變成人妻，紛紛詢問Darwin係咪要同李靚蕾結婚？令Darwin更加難受，仲索性避開啲朋友。
不過，Darwin及後接受訪問時就話：「沒甚麼好講的，真的不好意思，我在上班。」再打俾王力宏經理人劉鳳琴，詢問李靚蕾同前男友親密照等內容，劉鳳琴就冇聽電話，亦未有回覆。
未婚妻竟成別人的老婆，有傳李靚蕾前男友得悉「婚訊」後，激動得當場大哭。及後李靚蕾更被傳媒同網民起底，搵到佢十年前係辣妹一名，當時仲已經係王力宏粉絲，仲被爆濃妝去蒲嘅相添。傳聞越來越多，背後故事似乎更吸引。
王力宏一新婚，大家就送咁大份「厚禮」俾佢，難免嬲爆，遂透過經理人講到明謂:「對於網路上或媒體有相關不實的傳言，已影響到我與家人的生活，如再有不實傳言未經求證而報導，經紀公司必定尋求法律途徑處理。」
話雖如此，傳聞還是陸續有來。今日台灣《壹週刊》就報道指，李靚蕾嘅前男友DarwinHuang原來係香港執業律師，如今舊愛已成人妻，但佢仍難捨舊情，遲遲未能放下，亦唔捨得刪除兩人於社交網上嘅親密照。不過未知Darwin係太傷心定係費事煩，仲連fb都刪埋。
報道更指，Darwin嘅朋友得悉原來自己個「未來阿嫂」，竟然變成人妻，紛紛詢問Darwin係咪要同李靚蕾結婚？令Darwin更加難受，仲索性避開啲朋友。
不過，Darwin及後接受訪問時就話：「沒甚麼好講的，真的不好意思，我在上班。」再打俾王力宏經理人劉鳳琴，詢問李靚蕾同前男友親密照等內容，劉鳳琴就冇聽電話，亦未有回覆。