馬國明和湯洛雯的「小馬與獨角獸」之戀，得到大眾祝福，二人冧爆談拍拖，靚湯更明言希望一生一世。昨日，有自稱臨時演員的人向《蘋果》爆料，指無意間聽到馬國明想學蕭正楠在台慶宣佈閃婚：「嗰陣佢哋仲未被踢爆拍拖，我當時喺個景後面，聽到啲聽唔到啲，但睇新聞就知佢係講緊結婚，佢話拍緊拖唔怕有狗仔隊跟，但想學蕭正楠閃婚，喺台慶公佈。」他更提供了一張3月31日《BB大晒》的開工紙，證明自己身份，表示不怕當面對質。

近日忙拍新劇的馬明昨日否認婚訊：「冇啲咁嘅事……」他曾指自己「年紀唔細」，但問到結婚計劃，他說：「真係冇咁快……未有呢個話題。」由於兩人突然高調認愛，外界更有傳湯洛雯着鬆身衫開工孕味濃，但二人齊聲否認。湯洛雯昨日跟蕭正楠、沈震軒現身電視城出席新劇拜神儀式，談到傳懷孕，她笑說：「梗係冇啦！點會咁快！承認拍拖、閃婚到有喜，一日發生咁多會唔會太快。」她自嘲肥不是新聞，所以昨天穿緊身衫，望謠言不攻自破：「有BB唔會突然間，會從長計議。」靚湯指拍打戲每天受傷，令馬明心痛︰「佢成日叮囑我小心啲，我就答佢『知道啦！爸爸！』」
撰文︰祖李