被稱為「樂壇長毛」嘅音樂人周博賢，早前表示會創作新歌鼓勵喺立法會外集會反政改嘅人，佢閉關一日火速起貨，噚日已經將新歌《好在還有你》上載YouTube，獻畀所有在今日和以後，為民主公義挺身而出、明知不可為而為之，和敢於展示人民力量的你。
周博賢係天后謝安琪嘅伯樂，近期社運歌有梁詠琪《女兒雄》，關於5.16公投，另一首未派台新作《傑出青年》寫反高鐵年輕人。佢透露《好在還有你》僅一天就完成，又話對上一次一天內完成曲詞唱嘅歌，係當年送畀女朋友，即現時太太嘅「媾女」歌，今次係第二次。佢謙稱出盡九牛二虎之力，仍然唱得很難聽，八方覺得幾好，有heart滿分。聽歌可到 http://www.youtube.com/watch?v=zAOQ4deS8EA