當年今日
關於我們

【炒魷篇】亞視台慶5.29前夕(二) 葉家寶99年曾被封小平炒魷

蘋果日報 2015/05/28 06:00

蘋果亞視台慶葉家寶前夕即時炒魷炒魷篇99年封小平

亞視現任執行董事葉家寶先後經歷七朝。早於1977年,亞視仍然係麗的年代,葉家寶就當實習寫稿員,及至1989年2月才正式加入亞視,當時為廣播執行總監助理。

以管理階層計,葉家寶絕對係亞視嘅老臣子,喺亞視工作期間,見盡當中盛衰,佢自爆為亞視流下第一滴男兒淚。

喺1999年封小平入主時進行大改革,唔少高層被炒魷,家寶都逃唔過呢一劫,佢講:「封小平出現,亞視改新制,解僱咗好多人,當時我咁啱放大假旅行,收到風返嚟會被解僱,返嚟真係收到信。」

家寶難忘手接「大信封」呢一幕,佢感慨講:「我當時眼淚就流咗出嚟。自問過去為公司不眠不休,投入、唔計較全力以赴,點解落得咁嘅結局,咁無情,我又冇犯錯。」當年黯然離開,家寶開設過製作公司,期間也曾去北京做娛樂工作,直至2005年喺鄺凱迎邀請下,佢先重返亞視,工作至今。雖然亞視前景未明,但家寶就話佢堅持留守到最後一刻。