18歲，大家可能只會記得要到人民入境事務處，將你嘅兒童身份證，換成成人身份證。但周慧敏(Vivian)喺佢18歲嘅時候，已經有好多星探搵佢，但當時佢媽媽阻止，所以大家要延遲一年，即19歲先至出道。

「懷緬過去常陶醉...」今日Vivian就喺社交網facebook同ig上載咗佢當年18歲嘅相，佢話：「一張1985年我還未入行18歲時的照片，肯定大家未見過的。那個年頭，開始給星探發掘當演員和歌手。但因為遭媽媽反對，我便放棄簽約，繼續升學去了。你呢，當年你在做甚麼？」

而Vivian亦好乖，完成咗中六後，即86年喺資深電台監制鄧藹霖同倪秉郎嘅鼓勵下，參加由香港電台主辦嘅業餘DJ大賽，當時Vivian仲得到亞軍，隨即接受訓練，87年正式加入香港電台做DJ，以廣播工作開展其演藝事業。其後佢就跳入公仔箱，做勁歌金曲嘅主持，再做歌手，實行歌影視三棲發展。

睇番Vivian當年18嘅相，成個日本妹咁，完全參照偶像柏原芳惠嘅造型，唔怪得咁多星探搵佢啦！再講o依家Vivian已經49歲，但就好似凍咗齡咁，依然索爆。