江海迦（AGA）日前宣佈於明年在紅館舉行個唱，海報中造型被網民取笑像日本卡通明星巴魯坦星人，她晚上到新城訪問時開心說：「好多朋友send咗好多圖畀我，有啲話似聖母瑪利亞，又話似巴西神像，我覺得幾得意，鍾意呢啲二次創作。」AGA父親同是音樂人，當年曾有機會做歌手，最終好夢成空未能如願，她說：「日前同爸爸講電話，而家我喺紅館開演唱會，就好似佢實現自己夢想一樣，但佢唔肯再上台同我表演，因為上次一齊演出覺得好大壓力。」還表示家人很支持自己，行動不便的外婆也有上網買門票。

而今晚同樣現身新城做宣傳的，還有欣宜，她早前回加拿大探親，近來又忙於修讀演戲課程，已經有一段時間沒在公開場合出現。談到進修演戲課程，她直言不夠膽量向導演或監製自薦爭取演出機會，還表示自己向來細膽，要不斷學習令自己增強信心，她說：「我喺屋企寫住字條『大膽啲鄭欣宜』去提醒自己。平時喺台上你見到我標晒汗並唔係熱，而係我緊張。」雖然學戲和學剪片，但並非工作有需要，反而是想先準備好，將來有需要便可以大派用場。

採訪、攝影：王連連

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇