筆者剛從英國「充電」回來，發覺該「落後」國家的經濟確實不錯，倫敦街頭熙來攘往、水洩不通，Shopping的人多到不得了，排隊畀錢到處皆見，名牌餐館如GordonRamsay、Capital等閒閒地每位盛惠100英鎊（連一般酒水）絕無問題，但若不是一個月前訂位，便休想品嚐得到，連本土人「使」錢也毫不計較，難怪第2季經濟錄得兩年來最快速度增長的0.8%（按年2.6%）矣！
當然上述只是金融中心見到的景況，然從老友們言談間得悉，英國近年經濟起飛甚速，究其原因是兩低一高──低利率、低失業率和高樓價。咦，咁似美國嘅，thenitexplainseverything！
剛有朋友問筆者，英倫銀行多番加息，仍未能有效壓抑樓價上升，上月更錄得2.9%升幅，是5年來單月最大，難道真的當決策者無到，究竟點睇？
這問題認真考起，若按傳統智慧來分析，目前英國房屋中位價約為218,000英鎊（約314萬港元），亦即人均收入的9倍，似乎不易afford得起者，何況房屋價格仍在上升軌中，據聞現時有20萬人搵唔到樓買（無論afford唔起或供不應求）。