驗完整個長沙灣薈悅中層開放式間隔，廚房及浴室來去水完全無問題，露台趟門採用雙重防水設計，屋外打風落雨唔怕會入水。

詹sir總結單位的情況，「手工唔錯，呢個單位係啲濕碎嘢，地板有一塊裂咗，廁所門封口線有一處崩花，玻璃一件花咗，磁磚一件崩咗，油漆係好靚，好少見油漆可以攞滿分。係廚櫃漏咗塊生口板，唔係大問題。計落有93分，屬優良評級。」