蘭西情報課：酒店樓上屋深圳有售
蘋果日報 2005/04/14 00:00
一幢過由酒店同住宅組成嘅物業，喺香港好少有，就算有，通常都由發展商揸住長線收租，好難買到。深圳呢類物業就更加罕有，由加福投資起，喺福田保稅區裏面嘅華爾登府邸，就係難得嘅選擇。
物業七至十六樓係五星級酒店，十七樓以上先係住宅。發展商話，佢樓高五十五，乃深圳最高住宅。而且既然跟星級酒店同屬一幢樓，雖然出入口獨立，但為咗維護物業嘅質素，當然由負責管理酒店嘅管理公司，為住戶提供全方位酒店式貼身服務啦。另外，住戶享受酒店裏面嘅服務，有折扣優惠。
喺香港，有得賣又出名嘅有灣仔會景閣，嚟緊就係九龍站上蓋五至六期。會景閣𠵱家閒閒地都要成幾千至一萬蚊呎，深圳個盤賣緊千幾，發展商話，之前賣咗嘅200幾伙，除咗港人，重有唔少老外。個盤除咗呢幢酒店跟住宅，重有一幢商務住宅遲啲賣。
師奶黨炒麗晶
銀行加息行動似乎開始加速，但係市民仍然普遍對樓市信心十足。好多人堅持一個原則，就係𠵱家個樓價同九七年相差好遠，有排都未到頂，所以，炒家入貨行動根本未停過，大有大炒，細有細炒。
利記張木強話，黃大仙一班師奶黨，睇中九龍灣大型居屋麗晶花園，夾份用咗六百二十幾萬，買入五個單位，呎價由二千四百幾到二千七百蚊左右，係屋苑市場價，但比較其他同區私人樓就係低水，所以，幾大都要炒起佢，加番啲靚仔裝修，然後高價出售。
物業七至十六樓係五星級酒店，十七樓以上先係住宅。發展商話，佢樓高五十五，乃深圳最高住宅。而且既然跟星級酒店同屬一幢樓，雖然出入口獨立，但為咗維護物業嘅質素，當然由負責管理酒店嘅管理公司，為住戶提供全方位酒店式貼身服務啦。另外，住戶享受酒店裏面嘅服務，有折扣優惠。
喺香港，有得賣又出名嘅有灣仔會景閣，嚟緊就係九龍站上蓋五至六期。會景閣𠵱家閒閒地都要成幾千至一萬蚊呎，深圳個盤賣緊千幾，發展商話，之前賣咗嘅200幾伙，除咗港人，重有唔少老外。個盤除咗呢幢酒店跟住宅，重有一幢商務住宅遲啲賣。
銀行加息行動似乎開始加速，但係市民仍然普遍對樓市信心十足。好多人堅持一個原則，就係𠵱家個樓價同九七年相差好遠，有排都未到頂，所以，炒家入貨行動根本未停過，大有大炒，細有細炒。
利記張木強話，黃大仙一班師奶黨，睇中九龍灣大型居屋麗晶花園，夾份用咗六百二十幾萬，買入五個單位，呎價由二千四百幾到二千七百蚊左右，係屋苑市場價，但比較其他同區私人樓就係低水，所以，幾大都要炒起佢，加番啲靚仔裝修，然後高價出售。
中記集團文化氣息濃，又多一個員工出書。新界西董事王浩聰，入行十六年，累積管理經驗，輯錄成《故事管理學》，用故事形式，講出自己管理哲學，等啲下屬易啲接受。全書共有一百則故事。
王浩聰話，做管理層對下屬要寬嚴並重，太嚴，下屬會走人；太鬆，就唔肯聽主管教，最難係點樣平衡。聽落，呢啲原則，其他行業都用得着。
佢話，重有幾十招未有放入書內，因為擔心本書太厚，但透露會擺喺明年出嘅另一本書內，呢本下集會集中講實戰個案。
近排差唔多日日見報嘅投資者羅家寶，因為日前以十億買咗薄扶林貝沙灣第九座全幢，成為地產界紅人，佢嘅一舉一動，都相當引人注目。
羅家寶最新動向，係啱啱賣出何文田君逸山單位。件貨揸咗八個月，賺二十七萬。
呢個單位係羅家寶喺去年八月，以一億掃入二十四伙君逸山嘅其中之一，當時作價三百六十三萬，𠵱家以三百九十萬成交，面積六百五十八呎，每呎近六千，升值七點四巴仙。
羅家寶𠵱家重揸住八個單位，過去半年陸續出貨，至今賣出十六個，合共獲利大約六百萬。
仲量聯行獲香港科技園公司續約，未來三年，繼續擔任科學園物業及設施管理。
四年前，科學園落成初期，已經搵仲記負責物業管理，過去幾年，雙方合作愉快，到近期約滿，科學園再搵管理公司合作，首選自然係老拍檔仲記啦。
喺宣布續約嘅新聞稿內，雙方負責人互相恭維一番，科學園行政總裁譚宗定話，仲記表現傑出，對沉重工作量，應付裕如，喺各項活動嘅表現，皆盡善盡美。
仲記管理部主管司金龍禮尚往來，話好高興為科學園效勞，再獲委以重任，係佢哋嘅光榮咁話。
電郵地址：[email protected]
麗晶係九龍灣人氣甚高嘅居屋，配套設施多。
中記中人鍾意著書立說，王董（左）加入作家行列。