講到喺ViuTV待遇同無綫相比,Irene話:「唔可以用錢嚟衡量,我真係好鍾意演戲,可以同新人合作係緣份。」劇中佢同李靖筠有唔少對手戲:「佢係我前愛人個女,我前男友係歌手,我係經理人。佢同我一齊,大家關係好close,戲裏戲外似姊妹。」
游學修做一個會出櫃嘅餐廳老闆,佢話:「做過好多次呢啲角色,啲人話我唔似基仔,我最激牀戲都拍過。」仲話今次齣劇會講社會議題,問佢怕唔怕拍啲敏感話題劇,搞到少咗拍電影嘅機會?佢話:「我做唔做ViuTV都冇乜電影拍。」噚日女友蘇麗珊網上晒纖腰靚相,游學修話:「我都唔知佢po出嚟,係我影嘅,仲出賣埋我半裸照。」
撰文:馮仁昭