大家接觸國家隊級別賽事機會並唔係太多，而且球員配搭往往變動較大，賽績亦相對地難作參考，以致令部份球迷投注意欲減低；不過，我就反而覺得只要唔怕莊家開盤兇狠，呢種賽事其實先係贏錢良機！
馬會自接受合法足球投注以來，3年內共於各項賽事開出「讓一球」或以上的「讓球主客和」共115場，當中有48場為國家隊級別賽事，包括04年歐洲國家盃外圍賽、06年世界盃外圍賽以及友誼賽，可見實力懸殊情況遠超其他賽事。尤其在歐洲地區，部份小國足球代表隊仍屬業餘性質，根本無可能同列強周旋；48場賽事之中，佔70%以上為06年世界盃外圍賽，而需要「讓兩球」的「讓球主客和」最為常見：主隊要「讓兩球」共開盤15場，其中10場有67%。

法國客W唔怕追

今日重心推介亦屬「讓兩球」場次，葡萄牙主場迎戰魚腩阿塞拜疆。葡萄牙過去3年曾被馬會5次開出「讓兩球」盤口，其中４場「讓球主客和」皆順利得手。加上客隊近1年來連續5場作客未有入波，「讓球主客和」讓兩球，1.6倍的「主勝」走唔甩。
另外，法國上場漂亮地擊倒意大利，狀態不成疑問，1.67倍客W，有分頭可以再追。
（9月賺蝕:+18.5%）
強尼
有線球彩台主持
電郵：[email protected]