星期二，《蘋果日報》報道，由劉鑾鴻家族及鄭家純家族共同持有75%的利福國際（1212），均分了其中的13.81%。據「有外資分析員」猜測：「之前都傳過兩邊唔啱……唯一的結論係一向相對參與度較低的鄭家純家族想減持利福。」
這兩個家族的拆夥，當然是意料中事、遲早問題。彤叔同劉氏兄弟老友鬼鬼，大家一齊合作做生意，一定冇拗撬。但是，現在他老人家身在醫院，而鄭家帥印又已掌握在鄭家純手裏，而鄭家純和劉鑾雄的關係……我都係睇八卦雜誌娛樂版知道㗎咋，詳情睇返這十年來的八卦雜誌啦。
申報：我當然識這兩位超級富豪，不過佢哋唔識我啫，都同枱食過飯，見到面都會打招呼嘅，不過我就冇資格同佢哋做朋友啦。
記得多年前，一位老闆的小三同我說：「阿乜哥（這個人的名字真的不能說）的記性真好，十年前，我同佢食過一次飯，十年後，他能說出我的名字，和在甚麼地方見過我。」
「我又唔覺得他好記性，這一年內，我見過他十次，不過次次都要重新介紹。」我說：「你是美女，他當然記得你，但我是茄喱啡，他就用不着記得了！」

劉家沽貨機會較大

說回利福國際，鄭、劉兩家族將會拆夥，當然是合理的推測，可是，說鄭家將會賣了股票，我卻認為可能性不大。因為劉家涉入澳門的官司，損失了二、三百億元，相比來說，鄭家的現金寬裕得多。我們見到的是，這一年來，劉家主力在賣東西，鄭家則大肆擴張，所以我的看法反而是，劉家沽貨套現的機會率，大上一點點。
簡單點說，劉家要賣股票，有鄭家接貨，冇有怕。但如果鄭家想賣股票，誰來接貨？得找到幾個大型基金，才買得起。但香港的基金當中，最有錢的，還是鄭家的周大福來買才成。

周顯
投資者、八卦公、知識分子
mailto:[email protected]
本欄逢周四刊出