當年今日
關於我們

【短片】【拒夫妻檔接強國真人騷】杏兒拍親熱戲怕老公呷醋

蘋果日報 2016/03/21 06:00

蘋果真人騷胡杏兒即時復工呷醋極速前進親熱戲philip李乘德

胡杏兒同老公李乘德(Philip)蜜月後,呢位幸福人妻稱將努力造人,恨生兩個,不過,杏兒現時已復工,今日仲出席公司旗下活動。

杏兒稱唔擔心衣著性感,會被老公投訴,杏兒反而擔心另一樣嘢:「一直冇問老公,衣着佢冇理,反而擔心我拍親熱戲,佢會呷醋,不過我都好少拍呢啲戲。」

問佢會唔會同老公拍大陸真人騷?杏兒講:「老公廣東話麻麻哋,同埋佢係圈外人,其實拍拖時,《極速前進》都搵過我哋拍,老公話自己唔識講國語。」

係咪幾多錢都唔會心動?佢話:「唔會為咗錢,佢係圈外人,唔使點識講嘢都OK嘅,叫佢擔擔抬抬囉。」有冇人搵你哋拍廣告?佢話:「真係冇諗,怕出嚟搞笑,暫時唔會。」