家住大埔中心的謝先生，自8月5日起因不滿防暴警向自己屋苑平台射催淚彈而站出來，與街坊組成「滅煙小隊」守衛家園。自稱「和理非」的他過去一直有留意新聞和出席民陣集會，但從未置身衝突現場。「8·5三罷行動」演變成「催淚彈放題」，大埔中心平台煙霧瀰漫的畫面首次映入眼簾，「其實冇暴力行為，因為一有事大家都會落嚟望一望，全部都係街坊嚟，男女老幼，上咗年紀都有」，深感憤怒的他表示，其後幾乎每逢星期五、六、日，大埔中心都會出現住戶與警方對峙的畫面，更動輒上演催淚劫。街坊由身心飽受驚嚇，演變至群起反抗。

記者：邵靖妍 徐雲庭

「橡膠子彈、催淚彈、布袋彈、胡椒球彈，呢個平台，乜都射過上嚟，直情試過射爛我哋啲玻璃」，太和路多次成為衝突戰場，旁邊的大埔中心自然成為重災區。「其實差人射布袋彈上嚟已經試過打爛呢度其中一塊玻璃，已經搵咗區議員跟進投訴同埋反映過呢個問題，但係始終都冇改善不特止，第二次用催淚彈打爛埋呢邊嘅玻璃」。眼見大埔中心平台飽受摧殘，一眾住戶走到平台反抗，沒有裝備的街坊從上而下跟防暴對罵，「話佢哋亂咁射，話佢哋毫無規矩，唔跟警例」，但換來的，卻是更可怕的「放題」。

街坊大罵防暴使大埔中心平台成為「箭靶」，動輒20、30發催淚彈射上來，他指平台的花槽內有石油氣管，石油氣管一旦被擊中，或遇火種可能釀成嚴重意外。眼見險象環生，謝先生跟其他住客組成8至10人的「滅煙小隊」，簡單地戴上豬嘴口罩，以水撲滅催淚彈，「有時搵唔到喺邊嘅時候，真係好難救，甚至多到救唔到都唔出奇，救唔到嘅話就真係全部（單位）都入晒煙，甚至高層廿幾樓都係成屋催淚氣體」。

滅煙小隊大多如謝先生一樣的普通住客，他們沒有專業防護裝備，卻抱無私的心為家付出汗水，「其實好多人救救吓都需要休息，啲裝備始終都唔係可以頂到咁多呢啲（催淚氣體），都會入到」，市民一邊廂在滅煙，防暴另一邊廂卻在失控地瘋狂射彈，十分諷刺。

謝先生家住高層單位，窗戶背向太和路，但依然難逃「催淚劫」。「其實每次放催淚彈都係喺我哋背脊放，我哋唔係面向催淚彈，但我哋都會成間屋催淚彈味，無一倖免，所有房間、廚房、廳，周圍都係！」謝先生與太太育有一名兩歲女兒，滿屋玩具、毛氈、食物全被催淚煙「洗劫」。樓下發生「大戰」時，謝先生和家人即時戴上口罩，「就算閂咗窗，門罅都入到」，而單位外的走廊和後樓梯亦被催淚氣體籠罩。

對於家園受摧殘，謝先生與街坊十分不滿曾經向區議員求助，當第二次催淚彈打爛住戶玻璃更激起公憤，令互不相識的街坊團結起來。他指大部份住戶本身並非前線抗爭者，「開頭無人帶gear落嚟、（只穿）拖鞋，口罩都唔戴，但自從發生咗咁多次事件之後，開始會有居民帶埋gear落嚟」。

這場尚未完結的街坊革命戰場不僅僅限於大埔中心平台，在區選當日更移師到票站，居民以手中一票踢走縱容警暴問題的建制派。謝先生坦言，因多次置身抗爭現場，親歷警方胡亂使用武力、濫發催淚彈的暴行，他不再認為手中選票可有可無，眼見當日票站外長長人龍，謝先生心感欣慰，認為這是大埔居民抗爭的象徵。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568