風水師蘇民峰除咗周遊列國吃喝玩樂外，仲好捨得花錢買名牌，日前佢喺微博貼咗兩張佢嗰隻價值96,300元蚊嘅勞力士Yacht-Master錶相，蘇師傅強調隻錶係香港購買，當時蘇師傅留言表示：「新買的勞力士，帶了幾次，十點鐘位置粒螢光點竟然甩咗出嚟，請問有冇人有過此經驗呀？」

到噚日，蘇師傅再喺微博度投訴iPhone5s啲電唔係好靠得住，佢話：「iPhone5s好似唔係咁靠得住，用佐（咗）四個月，突然間义（叉）唔到電，攞去整發現原來好多人都係呢個問題，設計得咁差嘅，义（叉）電嘅時候成日都話配件唔支緩（援），用原廠配件都咁樣，可能下次都要考慮吓換牌子喇！」唔知蘇師傅會唔會算下，用乜嘢牌子手機先至夾呢？