有政界中人指，不論是張德江還是張曉明言論，他們的說話只有一個重點，「就係習近平係支持林鄭，冇支持曾俊華」，但兩人均不敢公然說習挺林鄭，「如果習真係未決定，咁講等於假傳聖旨」，所以挺林鄭陣營一定要找一個既有份量、又支持林鄭、政商界又視為習親信的人放話，「咁樣先可以令人相信」，而董正是合適人選，「佢有份說（服）林鄭選、又係國家領導、最重要係有傳當年習要求董陪佢訪美，被視為習親信，由佢出口可信性高好多」。
他又聽聞待曾入閘，就會有人發放曾的黑材料，聽聞所謂「黑材料」，「來來去咪話佢親美、同美國智庫有來往，但作為財政司司長，同美國智庫有來往有乜出奇，董建華夠有！」
■記者莫劍弦