身在內地的鴻仔昨在電話中說:「哦……梗係唔係(私下接job),黐線!咁啱我喺內地同馬來西亞都會有新發展,撞到同公司合約有少少牴觸。咁啱無綫幫我安排嘅新劇又叠住咗,我冇理由唔做公司嘢做出面嘢,然後又白白出人工畀我㗎。我喺公司做咗差唔多30年,都想有新發展、新機會,同樂小姐商量後,佢提議早幾個月解約,但之後有合適劇集或角色都會再返嚟,只係用另一種合約模式囉。」
鴻仔強調雙方在和平氣氛下進行,並感激公司台前幕後一直提攜,他說:「有問題都唔會幫手做兩次宣傳(潮拜武當)啦!」問是否有內地製作公司以年薪百萬利誘?他笑說:「未講得住,我家庭負擔都好大。我50歲嘞,呢個階段一定要向錢看,唔可以為追求理想去拗氣,唔一定要係公司做出頭。我都想踏足出去試吓,點都叫行過出去吖。」
採訪:嵐山、何慧斯