龍脊「魔爪」｜行山友狂彈破壞景觀： 咁鍾意擺喺自己屋企啦！
蘋果日報 2021/03/08 20:02
龍脊魔爪
石澳龍脊山頭近日出現一座疑似「魔爪風水陣」，旁邊有大量木柱包圍，正當大家都有關佈陣百思不得其解，當局今日匆匆拆走。大部份行山人士經過被拆「風水陣」，都不知先前原來放有「魔爪」，《蘋果》向他們展示「原貌」時，他們大都認為「魔爪」與大自然景致格格不入，「真係咁無聊？根本無意思，破壞景觀，拆咗梗係好啲！」
「魔爪」擺放三日，今早有多名工人上山拆除，但未有即時搬走，「魔爪」放在地上，以帆布蓋住 ，並拉起大帆布遮蓋有關範圍。有行山友結伴而來，不知原先放有魔爪陣，當《蘋果》向他們展示原貌時，其中一名女行山友即呻「真係咁無聊？本來呢個位幾靚，呢嚿似隻手，想表達啲乜？好似鷹爪，呢個位好靚，拆咗梗好啲，破壞景觀，根本冇意思，有意思擺喺度就靚，擺喺度唔靚就冇意思，佢鍾意咪擺喺自己屋企囉！」
另有行山友則指：「呢嚿嘢擺喺度比較騎呢，希望政府改善，或重新設計吓！」而行山客阿豪直言不喜歡該「魔爪」，他批評設計似鳳爪「有啲核突」，根本與景觀格格不入，他認為漁護署在現場加長椅更為實際。
劉先生則與友人同來，友人事前獲朋友告知這裏有新起的「魔爪」，特別叫他們留意，慕名而來，結果被拆除，「呢嚿嘢ok，（拆咗）覺得嘥咗資源，啱龍脊，知道係龍脊，就知呢嚿係咩嚟（龍爪），繼續留喺度囉，反正都起咗！」而行山友Johnny則說個人觀感而言，「好靚喎，好有味道，似龍脊landmark（地標）位，值得保留，好似龍爪咁。」
劉先生認為「魔爪」可接受，認為清拆浪費資源。
行山友Johnny個人覺得魔爪「好靚喎，好有味道 。 」
行山客對「魔爪」設計感不明所以，多次詢問「呢嚿咩嚟」。
行山客阿豪指擺設似鳳爪，「有啲核突」，認為擺放長櫈更加實際。
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！