韓劇《愛上Pinocchio》女星朴信惠，今年5月上綜藝節目《一日三餐》展示超凡廚藝，炒飯人人話正，比起其他女嘉賓，佢絕對係美女廚神，亦令男星李瑞鎮一直要求節目組搵朴信惠做固定成員。

做固定成員呢樣嘢唔知傾成點，不過朴信惠噚日就再度拍攝《一日三餐》，同李瑞鎮及澤演兩位固定成員見面，節目組說：「因為上次朴信惠應承過。」而消息亦得到事務所證實：「朴信惠喺上次出演後留下好多美好記憶，話好想再上一次節目，目前佢喺玉筍峰進行拍攝中。」

暫時未知今次朴信惠會炮製乜美食，但相信最開心莫過於李瑞鎮同澤演，因為有口福唔會虐待肚皮嘛！