上山詩鈉19歲囡囡Hilary算係圈中索爆星二代,甜美笑容就最似媽咪上山。Hilary今年4月同中東男友Rafic Korban分手時,上山踢爆囡囡失戀冇唔開心,只想專心讀書。但專心咗4個月,話咁快又有新歡喇!新男友Gunny係泰國籍人士,大家係波士頓同學,年初見Hilary分手,即力追奪芳心。Hilary早排趁放暑假返港,Gunny全程跟到實,Hilary亦都好識做,有陪男友飛曼谷,順便見家長。
而喺Gunny嘅Instagram有好多洩蜜相,其中有Gunny剃髮修行好虔誠嘅相。佢又經常喺上山同女友Hilary嘅Ig出沒,所以上山一早已見過囡囡新歡,佢哋似乎都好傾得埋,影合照時仲攬頭攬頸。