當年今日
關於我們

【退休作嚇餐死】梅小青爆四哥話拍又唔拍 怨湯洛雯減肥失敗

蘋果日報 2020/03/14 18:28

謝賢湯洛雯梅小青

入行40多年的無綫製作部總監(戲劇合拍)梅小青,曾拍攝過多套經典劇集。去年腦血管栓塞幾乎中風的梅小青,今年2月宣佈因健康問題而退休。最近,她在一個電台訪問中,就透露拍退休劇《法政先鋒IV》時,被謝賢(四哥)「話拍又唔拍」而嚇親。
小青姐接受港台節目《舊日的足跡》時,與節目主持車淑梅提到,自己從小是四哥的影迷,但因為不認識四哥,故不敢找他合作,直至拍攝退休劇才托朋友邀請四哥,雖然對方即時答應,不過後來卻反口:「記者會第二日,四哥打電話畀我話唔做喇,怕辛苦……一下子我嚇儍咗!我好感激拉姑(狄波拉)在旁邊幫口『應承咗唔可以唔做㗎!』四哥先話『小青我玩吓你咋!』」梅小青又指四哥對演出非常認真:「服裝全出私伙……我哋冇傾片酬,我畀一封利是佢做車馬費,佢初時都唔肯收,總之四哥時刻都散發出一股濃濃嘅星味啦!」
除四哥外,小青姐又提到臨時頂替黃心穎的湯洛雯(靚湯),她表示曾要求靚湯減肥,可惜最後失敗,小青姐自我安慰說:「我同自己講,我揀佢並非因為佢個樣同體重,係因為佢可以做到我劇中嘅角色。」她又直指靚湯不能與黃心穎比較,但對於靚湯的表現就非常滿意。至於因「安心事件」被飛走的黃心穎,小青姐就認為她一定是錯。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
梅小青最近接受車淑梅訪問時,自爆被四哥嚇親。
empty
湯洛雯拍《法》時,身材又的確頗肥美,難怪小青姐要她減肥。(資料圖片)