今個星期四就係聖誕節，有人開心放假，暫時忘記經濟問題；不過，部份打工仔要假日返工，難免會苦口苦面。其實假期返工好處多多，點解唔從正面方向出發？
（一）為自己設定新目標──假日辦公室少人，你可以更專注工作，提升效率，亦可趁機整理手頭上的工作進度，設立目標。如果老闆亦有返工，更可趁機與他討論自己這一年來的表現，及未來期望，比起被動地等待，主動接觸更顯誠意。

趁空閒幫老細執漏

（二）協助上司排難解紛──除專注工作，打工仔可從上司角度出發，幫助他解決辦公室的麻煩事。回想上司曾提出的投訴，例如大量文件及資料未整理，或者是茶水間的雪櫃太髒亂，假期就是最好的時間解決以上問題，雖然只是微不足道的小事，但肯定能博得上司的欣賞。
（三）整理人際網絡──趁空檔，打工仔可整理電郵郵件，刪除舊及垃圾郵件，回覆任何未處理的查詢，送出聖誕賀卡以表心意。此外亦要更新聯絡人資料，並安排下一年的約會。
（四）去舊迎新──如果你的個人社交網絡如Facebook及Myspace，有機會接觸到工作夥伴，建議重閱這一年來的發言及分享之類，若有不恰當的發言，如講老細是非，應立即刪除。
最後，一年將過，當然要挪出小量時間，更新自己的履歷表，把工作經驗及新技能加上。