日本男星阿部寬同女星上戶彩，今日繼續為新戲《羅馬浴場II》喺台灣宣傳，兩個今日喺當地舉行記者會。

大會搞笑地安排兩位男按摩師傅幫阿部寬按摩，阿部寬可能太舒服，一臉陶醉之餘，仲唔捨得畀師傅走！當被問到想同邊個台星合作嗰陣，上戶彩就點名話想跟林志玲合作，覺得佢好有氣質，至於阿部寬就話：「只要有願意跟我一起泡澡的台灣女星，我都可以。」嘩！呢啲咪叩自信囉！兩人出席記者會後喺傍晚離台返日本，都有成50個fans送機。