【新增影片】
巴西里約熱內盧奧運啱啱結束，一班中國金牌運動員接連訪問香港同澳門。澳門特首崔世安日前就喺運動員訪澳時致歡迎詞；對住中國運動員，當然以普通話發言，而佢嘅普通話水平……就真係路人皆知。

《愛暪日報》將崔世安嘅發言，繙譯成廣東話字幕，八方非常感激咁幫忙，皆因齋聽崔世安話，「澳廉仆街運動會，剛幹在巴絲打你約爺來佬樣悶結束」，真係未必估到佢想講乜；其後佢又話運動員「在比賽搶香，玩搶乒波，粉蓉真腥」，唔知情嘅人，會唔會以為今屆奧運新增「搶香」、「搶乒波」等項目？八方相信，係讚佢哋喺比賽場上「完全拼搏，奮勇爭先」啩（其實八方都係估估下……）

而之後嗰句：「濕溜麵打煎排、熟耙麵打鹽排、肉絲撈麵打桶排　打齋子」，絕對唔係晚宴餐單，但足夠大家笑餐飽。但如果你係澳門嘅「豬民」，唔知笑唔笑得出？

如果想挑戰聆聽能力，不妨上去佢哋facebook測試： http://bit.ly/2bRTCdv