「前後三次去伊利沙伯醫院求診，第三次冇掂過佢身體，痛到咁都睇唔出佢患上盲腸炎；唔通佢係唐氏綜合症病人就唔受重視？」
直斥伊利沙伯醫院醫生診症敷衍了事的丁太，向記者申訴帶其27歲患唐氏綜合症兒子往求診遭遇，仍忿忿不平。
慨歎兒子因此而白白受苦近一個月的丁太稱，上月19日其子阿強表示肚子十分痛，遂前往伊利沙伯醫院急症室求醫，當時醫生指阿強腸抽筋，給他止痛藥，着他若疼痛未減可再往覆診。
丁太表示，惟至21日，阿強肚痛依然，且肚子呈脹脹的；他們再往伊院求診，醫生指有機會患盲腸炎，除替其照X光外，亦檢驗小便；當時醫生給他止痛藥，並着他「再痛就返嚟睇」。
個肚脹大因係肥仔
丁太說，阿強雖然不大懂表達，但從他表情看來疼痛難當，她即再帶阿強往伊院問當值醫生：「佢個肚又脹又大，上次醫生話佢可能盲腸炎。」惟醫生答：「思疑唧！又唔確定！佢係肥仔，個肚梗大啦，裏面有糞便㗎嘛！」當時醫生只給他止痛藥，着他離開。
丁太說，她只好無奈地與阿強離伊院返家，惟至當晚午夜後，阿強表情痛苦，大喊「好痛呀！」她心急如焚，即召救護車，將阿強送院。
「醫護人員話送佢去伊院，我話已經去過三次喇！佢哋即刻話咁唔好喇！送去明愛（醫院）啦！」去到明愛醫院，醫生話阿強好危急，盲腸已經含晒膿，隨時會腹膜炎！」