【安樂窩爆窗】睇住蕭正楠大戰「山竹」 黃翠如:我抱住袋麵包瞓着咗
黃翠如蕭正楠山竹
黃翠如今日到銅鑼灣食店出席活動,同名廚Charmaine一齊分享食青口有咩好方法,翠如仲即場餵男司儀,令佢大飽口福。
超強颱風唔易過,翠如同男友蕭正楠嘅安樂窩遇到小意外,翠如話:「先係棵樹被吹開一半飛到玻璃前,阿蕭就推住塊玻璃,最後被磚頭打爛咗,諗起都好蠢好危險,我就一手喺隔離籬攞返袋麵包,好驚冇得食,就咁攞住袋麵包坐喺地下,食到風球走。」翠如話家中都有水浸,要不斷清理,至噚日返工經過環保大道交通燈全失靈,揸車好似玩越野賽車場面一樣。
翠如和阿蕭共同度過香港近年最強颱風,翠如話:「我拎住袋麵包瞓着咗,瞓醒知佢執嘢抹嘢,我意識只係怕肚餓,訓醒就啱啱好有打邊爐食,好感激佢。」翠如話家中破碎窗戶仍未修好,再打風唔知點好,並笑指:「屋企冇貴重嘢,最貴係麵包,食嘢好緊要,要買多啲糧食。」
精選娛聞,喺晒《娛果》
http://fb.com/appledailyent
黃翠如今日同名廚Charmaine一齊到銅鑼灣食店出席活動
超強颱風唔易過,翠如同男友蕭正楠嘅安樂窩遇到小意外
翠如話:「先係棵樹被吹開一半飛到玻璃前,阿蕭就推住塊玻璃,最後被磚頭打爛咗。」
翠如話:「我拎住袋麵包瞓着咗,瞓醒知佢執嘢抹嘢。」