當年今日
關於我們

求驗客手記:賓帥轟巴利貪錢怪 - 求驗客

蘋果日報 2009/07/11 00:00


利物浦領隊賓尼迪斯不嬲火氣大,鬧人唔使本,我求大俠本來見慣不怪,聽佢講嘢索然無味,不過佢前日鬧人用字精警,不得不同波友分享。話說當日喺介紹新兵格連莊臣嘅記招上,佢被問到巴利寧願揀曼城而唔投紅軍,即刻火都嚟,怒斥對方「100%為錢!錢!錢!錢!」佢用咗4個錢字鬧人係貪錢怪,語氣冇得再重,我求大俠感受到怒意,同時有種吃不到的葡萄嘅味道。佢之後改向曼城開火,好寸咁話有錢唔代表可以買到33年嚟首個錦標喎。