今日手機whatsapp瘋傳有關美聯商業部裁員的訊息，內容指：10月31日前，2015年1月或之前入職，到10月31日前，生意額少於5萬元的員工，需於下月1日離職；2014年1月或之前入職，12月31日前全年生意額少於36萬元，整個部門最底生意額的15位同事需要離職。

美聯物業商業部董事翁鴻祥回應：「如果10個月，無5萬蚊數，咁應唔應該離職呢？無生意，自然就應該離職啦，做sales係咁㗎啦。」他強調：「我哋唔係收縮，屆時我哋會加返人，我哋部門仲賺緊錢，只不過將一啲唔達標、生產力較弱同事，請佢離職。咁好正常，你跑十個月，如果連5萬蚊都無嘅話，連基本俾佢嘅人工都唔夠，離職好正常!」

目前美聯商業部員工約240人，他初步估計，不達標的員工約8至10人。