深水埗北河街街市的日昇菜檔，認真不得了。一堆二堆菜排列整齊，左右隔籬人少少，惟獨日昇終日人頭湧湧，一直得到許多街坊的讚賞與支持。

客人張小姐：「佢嘅菜冇農藥化肥，有乜好？新鮮、又甜，健康啲！」客人黃太：「呢度每一棵都係新界菜，冇下欄嘅菜，可以放好耐，用紙包着放冰箱，放到好多日……」

親自挑選 棵棵有名有姓

這裏賣的都是本地菜，全是新界菜場來，檔主張國樑熟知每棵菜的來頭，棵棵有名有姓，樑哥指出：「這是沙頭角輝哥的新界菜心、落馬洲明哥有西洋菜、錦上路盧小妹就供應新界有機番茄……」樑哥天天自己取菜，任何事都親力親為，駕van仔先去沙頭角一帶農田收菜，然後去落馬洲收另一批、再往錦上路，最後返街市開檔。他入貨賣菜一腳踢，每日忙到一頭煙，分分鐘比當農夫還吃力，絕對百分之百辛苦，「我一定要自己去揀菜，自己睇，先可以搵到靚貨。」

他必到沙頭角輝哥的農場，輝哥說：「我用果蠅漿捉蟲，肥料用最上等嘅麻麩、骨粉，生出來啲菜特別青綠，肉特別厚，食落爽口又甜。」輝哥主打的菜心，樑哥最欣賞，「菜心係甜，有菜心味，佢嘅菜心產量少，市面上唔係咁多可以買到。主要佢種菜有心機，種嘅時間比較長少少！」

另一個在落馬洲的農場，農夫明哥的菜田就種滿西洋菜，明哥說：「西洋菜唔係一年四季都有，天氣熱就唔得，天氣凍嗰時先好，由九月到四月嗰段時間最靚。香港新界菜一定分季節，大陸就冇分，一年四季都有西洋菜。」樑哥愛取明哥的菜，也跟他特別投契，因明哥從來都是供應最好的菜，夠老實。樑哥說：「佢真係將啲靚菜賣畀我，唔會話叫你買面嗰層係好靚，你揀到落底，原來底係唔得嘅，出面好多都係咁樣！明哥冇呢樣嘢，佢啲菜面又靚、底又靚！」

心機種植 山水灌溉不下化肥

在錦上路農場的盧小妹，種的是有機菜，她最擅長種番茄、粟米，她說：「番茄冇加激素、催熟劑，自自然然生長，生長期要兩個月，自然生長唔會全部番茄一齊熟，每個番茄顏色方面會有偏差。而家係番茄季節，所以生得比較茂盛啲！」她又走進粟米田，收割粟米。「新界粟米生長時間比較長，容易有蟲咬，所以好奀瘦。其實每一棵粟米只生長一條粟米，產量低，本地農民比較少種。」樑哥卻很讚許，「所以佢嘅粟米至夠味道，新界菜都比較夠味道！」

這群農夫種菜其實都很久了，他們的農地在70年代以前已經有，後來發展新界新市鎮，只剩這些老農繼續耕作，幾十年傳宗接代的耕種下來。老農夫的農地很小型，有的轉型做有機農場，有的在住家附近空地種植，無認證，不想花費數萬元去申請有機牌照，但老農夫天然種植蔬菜，用山水灌溉、不用化學農藥，都是很用心種植的。

多年交情 農夫只交最優質貨

樑哥跟這些農夫有多年交情，每逢過年過節會見面，他到菜場參觀，菜農又送上富貴竹、年花等，大家有來有往，感情要好。因此，菜農都願意交最優質的菜給樑哥，例如菜心苗、白菜苗、春菜苗、紹菜苗，樑哥說：「呢啲係我哋自己搵啲農夫種，叫佢咁幼割，啲農夫咁辛苦，你睇吓佢真係逐條逐條割，啲紹菜咁細棵、菜心幼成咁，佢真係割到手指都腫埋，咁嘅菜係冇人願意去割。咁細嘅菜佢係冇重量嘅，農夫亦都搵唔到食。所以呢啲菜係好少人去種，但佢菜味好足，食落去夠嫩。」

深水埗賣新界菜不是很多檔，賣優質的可以說只得這裏。最初，樑哥在深水埗都是賣大陸菜，那時他覺得既然平菜這麼多，想到為甚麼不開一檔比較靚、貴少許、真有菜味的菜檔去做。2003年，他就轉賣本地菜，當初開這菜檔，他都是誠惶誠恐，因深水埗街坊一直貪平，樑哥恐怕街坊會拒絕貴菜，「我們菜檔一斤菜要二三十元，人哋一斤大陸菜賣十元八元，但就是有人欣賞，偏偏幫襯我。」他做着做着，原來深水埗都有一些人很注重健康，來買本地菜，小小檔口，漸漸擠滿了客人，越做越旺！

遲來買不到 失收寧不開檔

他的菜檔價格貴，但蔬菜種類比一般菜檔多，種類達二、三十款。由於本地菜不是大量生產，每款菜的數量很少，所以有時真的只夠賣一個早上，就已賣清，經常有來遲的客人買不到。樑哥寧賣好菜，也不濫賣，絕不混入大陸菜充塞賣至收檔，而多賺錢。例如早些時候暴雨連連，作物大失收，他索性不開檔，寧蝕一天租，亦不入一棵大陸菜。

樑哥總說不會因一天的生意額，而去魚目混珠，拆掉招牌。他堅持一定只賣本地菜，做好自己的信譽，就不怕以後沒生意。

日昇菜檔
深水埗北河街街市1樓MN23-24號舖

製作：果籽

-----------------------------
抗病經歷・醫護報料
歡迎分享到《健康蘋台》報料專線： https://bit.ly/2vPHzrT
-----------------------------
兩小時煲好防疫湯水食譜 8款湯水食材貼士
《提升免疫力 防疫湯水全集》在家也可輕鬆防疫
-----------------------------
立即去動物蘋台 ，飽覽主子大小事！
-----------------------------
【武漢肺炎】專頁
全民自救 抗疫資訊盡在《蘋果》