中環在線：吳士元逍遙復出
唔怕因公事傷友情
「四太惡但有商有量」 - 李華華
蘋果日報 2015/10/19 00:00
尚嘉控股行政總裁吳士元跟賭王四太梁安琪一向老友，佢離開恒隆地產（101）4年，舊年底終於答應四太，幫對方打理過百億元嘅物業王國，逍遙復出。不過四太出名有霸氣，做朋友跟工作可能係兩回事，吳士元就唔擔心不歡而散，指今次係幫老朋友，「四太係對人惡，但好尊重專業人士，凡事有商有量」。
吳士元身家豐厚，復出亦是為幫朋友。 李潤芳攝
外母丁毓珠與四太世交
吳士元從來冇掩飾佢同四太嘅友好關係，事關佢外母丁毓珠（維多利亞幼稚園創辦人）係四太老友，大家相識幾十年。吳士元兩位廿幾歲嘅女兒跟四太女兒何超盈係兒時玩伴，吳士元稱呼四太兒子何猷亨做「阿亨」、女兒何超盈做「盈盈」，有幾friend，不言而喻。
查實吳士元2010年中離開恒隆，四太已經搵佢幫手，但佢當時想休息，冇答應。吳士元本身亦唔需要為錢工作，佢臨走前，行使恒隆認股權套現1億元，加上佢鍾意儲磚頭，笑言「以前一有錢，就買物業」，家陣喺中港、泰國、新加坡、澳洲、美國擁有超過10個物業，幾乎飛去邊度，都可以入住自己物業！
直至一年前，四太再搵21歲大仔何猷亨出口，何猷亨話想跟吳士元學嘢，佢只好答應。佢坦言，今時今日，唔需要再去證明自己嘅能力，重出江湖只為老朋友。
不過，做朋友跟工作夥伴似乎係兩回事，加上四太好有霸氣，未必容易相處，吳士元不諱言「四太係對人惡」，但佢係聽道理嘅人，做事有商有量，鍾意群策群力，而且尊重專業人士，為人有情有義。
查實吳士元2010年中離開恒隆，四太已經搵佢幫手，但佢當時想休息，冇答應。吳士元本身亦唔需要為錢工作，佢臨走前，行使恒隆認股權套現1億元，加上佢鍾意儲磚頭，笑言「以前一有錢，就買物業」，家陣喺中港、泰國、新加坡、澳洲、美國擁有超過10個物業，幾乎飛去邊度，都可以入住自己物業！
直至一年前，四太再搵21歲大仔何猷亨出口，何猷亨話想跟吳士元學嘢，佢只好答應。佢坦言，今時今日，唔需要再去證明自己嘅能力，重出江湖只為老朋友。
不過，做朋友跟工作夥伴似乎係兩回事，加上四太好有霸氣，未必容易相處，吳士元不諱言「四太係對人惡」，但佢係聽道理嘅人，做事有商有量，鍾意群策群力，而且尊重專業人士，為人有情有義。
梁安琪（左）與丁毓珠係多年老友。 資料圖片
【吳士元小檔案】