陳柏宇（Jason）同趙勁皓（King）喺大埔嘅酒吧開幕，Jason老婆符曉薇、King老婆盧頌之，仲有張建聲同女友陳嘉莉都有嚟棒場，老闆之一嘅King話今次係十幾人合資，同尖沙嘴嘅股東架構有少少唔同，大埔總投資七位數：「我喺大埔有置業，呢區好多酒吧都好爆，所以想喺度開。」Jason就話自己生意方面比較蠢，要靠拍檔，自己負責幫手宣傳。King就話Jason經理人有詐型，因為用Jason做宣傳用得太多。

聖誕將至，Jason就話好多嘢做：「如果開完演唱會就唔出嚟，好似對唔住公司，所以冇特登攞假，除咗下星期會快閃旅行兩、三日。」Jason去東京，King一家去沖繩。問Jason入圍叱咤我最喜愛男歌手五強：「冇特別用咩心態，睇完就算，反正網上民意調查同實質賽果好多時都不符，因為實質投票有一定程序，我都冇投票，但都相信個System嘅。」

張建聲話自己嚟緊都會同一班兄弟合作搞吓小生意，最近因為一個角色增肥染髮，佢話：「鍾意演藝生涯，做人好悶，又肥又瘦唔係咁容易，遲啲同方中信、智叔(廖啟智)，邵美琪拍一套關於律師嘅戲。出年3、4月做編劇，諗緊做唔做導演，怕自己handle唔到。」講到會唔會預埋女朋友？佢話：「老闆安排咗一部戲俾佢，係一二嘅女主角，知道要處理角色，壓力好多，俾多啲意見女朋友，初初去做好似我咁要脫，盡力去做。」

更多娛聞，喺晒《娛果》
http://fb.com/appledailyent