前日內地股市一．一九災難後，中證監出來穩定人心，中港股市皆反彈，但動力嫌不足。內地股市雖升，但券商股繼續捱沽，皆因融資客買了大量券商股作貨底，相信股價越跌越有斬倉壓力。
蘋果動新聞昨日又用筆者來開玩笑，再係咁就要收肖像權費用。開玩笑本無傷大雅，但希望不要顛倒黑白。過去兩周筆者一直叫人沽A股獲利，反而片中訪問之人，話唔驚嗰位仁兄，可能才是高位買貨，只可以叫你唔好驚。記得去年十一月同台有一個講座，當時中資金融股冇人肯買，話有甚麼差價喎！佢仲叫人put平保（2318）及港交所（388）。當時平保六十元，港交所一百六十八元，筆者卻大力叫買。到月初全部升晒，仲點會叫買？相信今次一．一九災難，震盪應未完，港股及A股仍有再下跌空間。