香港婦聯舉辦《紀念三八國際婦女節》「傑出女性頒獎禮2016」噚日喺修頓球場舉行，代表名人同演藝界嘅何超瓊同陳芷菁獲頒「傑出女性」殊榮，何超瓊說：「人生重要時刻，覺得好榮幸，由女性畀佢一個確認，細個好嚮往Daddy、Mummy給予嘅抱負係做一個女仔係做一個女中豪傑，喺我心目中係一個奮鬥目標，希望成長對社會有貢獻同服務，亦為自己家庭爭取榮耀，鼓勵更多年輕婦女發揮自己嘅潛能。」

另一位獲獎嘅陳芷菁接受訪問時就特別感謝劉德華，佢話：「佢令我知道好平嘅衫可以著，同埋夜晚唔好去夜街，我問佢如果唔去夜街有咩做呢？我會喺屋企睇碟同寫大字，佢令到我可以出第一本書，依家已經出到第十一本，我都有收藏自己書籍，我喺華仔公司做緊發展部經理，華仔想打入內地電影市場，得到更多人嘅認同，所以自己喺佢公司度努力。」

而表演嘉賓許鋌鏗、胡鴻鈞和譚嘉儀被問到咩係傑出女性，許鋌鏗話：「自己當年幼稚園老師係一個傑出女性，好惡，但係教佢好多嘢，細個老師教佢驕兵必敗，我深深記得，大個咗就明白點解。」