當年今日
關於我們

【反送中條例】表態參加6.9大遊行 鄭敬基夫婦:愛香港就出嚟

蘋果日報 2019/06/06 12:16

送中條例麥曉安鄭敬基

鄭敬基(Joe)與太太麥曉安(Angie)昨晚出席一間製作公司假九龍站一所酒店舉行的周年活動,對於6月9日舉行反對修訂《逃犯條例》大遊行,Joe夫婦兩人毫不猶豫表示一定會準時現身參與大遊行,Joe覺得引發他參與遊行主要原因是大家熱愛香港的人都希望香港可以繼續鞏固香港國際地位,他說:「現時令到好多人、好多商戶都覺得唔妥當嘅時候,我身邊好多做生意嘅人都好擔心香港嘅生意,有啲人竟然話邊度投資做生意?有啲喺國內做生意嘅話而家啲錢喺邊度先最安全,新加坡啦,令你聽落去有啲心酸。」他覺得身為香港人,在這一刻,今次可能是最後一次行出來,希望盡量做香港人的事。
對於修訂條列內容,鄭太Angie坦言仍然好多不了解的地方,她說:「只係知道最近唔知點解修訂咗好多同性罪行相關條款,點解要咁集中喺性罪行方面,我哋真係好似好無從稽考,政府真係冇真正去諮詢過,令大家就覺得好唔穩陣咁。」Joe同時覺得香港一向都樂意聽取專家意見,而家反而好多專業律師、大律師、律師公會與法院法官都發聲,他說:「其實佢哋都係詢問啫,某程度上政府能夠回應下,我哋市民見到都已經好開心,佢哋兩邊都有傾過,律師公會出聲明話OK。」夫婦兩人覺得政府能夠坦承面對詢問,作為巿民都會開心同支持,但現時看到的只是一大堆疑慮仍未釋除。另一角度,Joe表示簡單點說,律師公會中成員根本可以不用去做這些事(向政府詢問),他們的生活仍然會好好,所以對於他們今次行為,他們是為香港做了很多事,其實他們根本可以不發聲。
面對可能是最後一次行出來表態反對修訂《逃犯條例》的機會,Joe說:「只要你係愛香港,今次真係要盡量出來,咁耐以嚟我哋唔可以只係為咗自己得益嘅時候就好愛香港,咁而家香港好似陷於唔清晰地帶,我覺得我哋都要盡力,有啲人可能好啲,比我更安逸,有樓有生意,佢都出嚟,你都唔想香港啲人移民晒,盡量支持香港呢次,6.9大家要為香港,如果鍾意香港。」
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片!下一個爆料王就係你
https://bit.ly/2Guolu9
empty
攝影:陳俊強
empty
對於6月9日舉行反對修訂《逃犯條例》大遊行,Joe夫婦兩人毫不猶豫表示一定會準時現身。
empty
Joe覺得引發他參與遊行主要原因是大家熱愛香港的人都希望香港可以繼續鞏固香港國際地位。
empty
Joe說:「只要你係愛香港,今次真係要盡量出來。」
empty
他覺得身為香港人,在這一刻,今次可能是最後一次行出來,希望盡量做香港人的事。