自從政府話要安排機管局上市後,機管局行政總監彭定中曝光率逐漸增加,佢噚日出席港大教研發展基金舉辦嘅午宴,花咗大半小時講解機管局嘅發展藍圖,講明希望機管局上市後,能夠成為藍籌股,獲得海外投資者垂青。
曾經為多間大型企業搞上市嘅花旗環球亞洲區主席梁伯韜,在午宴後即刻為彭定中打支強心針,大讚佢演講技巧一流,可以即刻去做上市路演。新地副主席郭炳聯亦認為機管局係好公司,但入股與否就言之尚早。
為了令一眾立法會議員釋疑,彭定中講明,機管局上市可以創造就業,預期到○七/○八年度,喺機場工作的人數將由四萬五增至八萬,暗示絕對唔會因為私營化而裁員。
傳真︰2623-9278
電郵︰
[email protected]