張嘉兒於2007年參選港姐奪冠，去年9月喺加拿大溫哥華出嫁，與老公Nathan婚後積極造人，上個月生咗囡囡Leora(新聞連結： http://bit.ly/2e7zLqN )。

Leora一對雙眼皮好深，似足媽媽，生完當然有唔少圈中好友去探吓B，噚晚11點幾，就見做完《愛‧回家》嘅「馬子妮」蔣家旻喺微博貼出抱B相，留言：「Kayi讓我感受到抱BB的感覺，天下的媽媽實在偉大。」

有網民留言問佢早前去蒙古拍節目時，撞車整親個頭，問佢「冇咩大礙係嘛？以後要小心啲喔！馬子妮」，另外有網民就叫佢快啲搵番個伴，「希望你也早點落入幸福，早點有可愛的BB」。

其實蔣家旻一直傳佢有個大佢十年嘅DJ男友Martin，雖然多次被影到甜蜜拍拖，甚至當街啜啜，不過蔣家旻就始終唔認拍拖噃！(新聞連結： http://bit.ly/2d7zPVS )