由韓劇《舉重妖精金福珠》女星李聖經、《悄悄話》男星李尚允主演嘅tvN新劇《想暫停的瞬間：About Time》，將於今晚播出第13集，港劇迷可以喺Viu追播。劇集講述李聖經有睇到自己及他人嘅生命時鐘嘅能力，而佢發現自己喺李尚允身邊，其生命時鐘就會停止唔郁，當佢同李尚允有身體接觸嘅話，其生命時鐘更會延長，即可以增加佢本來只得3個月嘅壽命。

劇集於上周二播出第12集，已經與李尚允發展成戀人嘅李聖經，發現喺增加自己壽命嘅同時，係減少緊李尚允嘅壽命，所以佢決心忍痛分手，唔少劇迷大呼情節虐心。不過當佢得知與自己有相同能力嘅吳女士（金海淑飾）病逝後，大受打擊，崩潰對住李尚允爆喊。兩人重逢一幕令收視立即急升至1.888%，而李聖經嘅演技再獲好劇迷好評。劇組又公開咗新劇照，只見李聖經及李尚允坐喺床上，兩人更肉緊咀嘴，唔知之後會唔會有甜蜜情節呢？

精選韓流，喺晒《娛果》
http://fb.com/appledailyent