民主派就立法會選舉嘅協調正進行得如火如荼,正當唔少區分都漸見曙光之際,政府尋日突然宣佈立例禁止4人以上聚集,亦都間接影響咗協調進度。負責協調嘅區諾軒就話,都未咁快諗到可以點開會,不過只要大家都想協調,相信有無見面都無咩所謂,又話最近個個都玩《動物森友會》,話唔定可以齊腳開會。
話說民主派下星期二(31日)即將就新東初選做協調,新東嘅現任議員都有成5個人,加上其他有意出選嘅隊伍,相信協調會都有成廿人會出席,若然大家排排坐開會,就有機會觸犯新規例。有見及此,八方就請教區諾軒可以點處理,佢話現階段都未諗點去繼續會議,但只要大家有協調嘅意思,相信任何困難都係可以克服嘅。
區軒又提議用Zoom開會,講笑咁話自己過去兩個月不斷用Zoom教人登記功能組別,而家已經「成精」,揚言:「任何人要同我用Zoom傾協調,即管放馬過嚟」!佢更加拋出超創新建議,話如果大家唔想用Zoom,可以試下用最新嘅電子遊戲《動物森友會》開會,仲話自己會即刻買game研究下可唔可行添!
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架