韓國男星李秉憲胞妹兼韓國小姐出身嘅李恩熙，於2012年3月同拍拖4年、大其1年嘅圈外人結婚，不過今日韓國方面突然傳出消息，指李恩熙同老公已經協議離婚，結束4年婚姻。

現年39歲嘅李恩熙，憑靚樣細細個已經做廣告模特兒，於1996年成為韓國小姐冠軍後出道成為藝人。而當年李恩熙結婚時，因為哥哥李秉憲巨星身份，獲唔少名人出席其婚禮，曾一度成為話題。

報道指雖然李恩熙方面冇提及離婚嘅原因，不過據知係因為其老公捲入唔好嘅事，導致兩人關係惡化。李秉憲方面就表示因為係妹妹嘅私事，冇辦法向大家透露。